9:32 PM | Posted by عمرو فكرى

عمرو فكرى: غلطة, وندمانين عليها

[My+Pic.jpg]


احنا فعلا غلطنا لما سمعنا كلام حزب الكنبة ومشينا وسيبنا الميدان

عشان مفيش خريطة طريق واضحة
عشان مبارك بقاله 5 شهور متنحى وما اتحاكمش
عشان المخلوع نايم ف مستشفى شرم الشيخ بينال رعاية خاصة وجايله طقم رعاية من المانيا ولا كأنه مذنب
عشان سوزان مبارك تعالج سنانها على نفقة الدولة, ومصابى الثورة يتلقحوا ف المستشفيات بال4 شهور لحد ما ماتوا
عشان جمال وعلاء ماحدش يعرف هما ف الحجز ولا لا
عشان حبيب العادلى لحد دلوقتى ماشفتوش بلبس الحجز ومعرفش محبوس ولا لا
عشان القناصة اللى معروفين بالاسم اللى كانوا فوق هيلتون رمسيس يصطادوا الناس لحد دلوقتى ماحدش حاسبهم
عشان امين الشرطة اللى قتل الناس والعسكرى اللى رقص بالسيف والظابط اللى شاور اشارات بذيئة للناس
عشان الحرامية اللى محكمة الجنايات طلعتهم براءة
عشان القضاة خدوا اجازة شهرين ولا كأننا فى حالة حرجة
عشان عصام شرف رئيس وزراء الثورة يطلع بيان ضعيف ومتأخر 5 شهور
عشان العيسوى يقول انه مش قابل اوامر عصام شرف بانهاء خدمة قتلة الشهداء
عشان مبارك والعادلى ايدهم لسة ملوثة بدم الشهداء
عشان الشرطة مش فى خدمة الشعب

عشان كل ده .. لسة الثورة مستمرة

مصر محتاجاكم
هاتساعدوها؟

Posted by عمرو فكرى on 9:32 PM. Filed under , . You can follow any responses to this entry through the RSS 2.0.
اوعى ماتسيبش رد

0 comments for "عمرو فكرى: غلطة, وندمانين عليها"

   

Leave a reply

تعليقك هاينورنا